युवाहरू विहीन बन्दैछ मेरो देश

सर्वसाधारणले सोच्दै नसोचेको त्यो गणतन्त्र
व्यवस्था परिवर्तनसँगै अवस्था परिवर्तनको
आश गरेका युवाहरू विहीन बन्दैछ मेरो देश

एउटा राजा फालेर सयौं हजारौं राजा
स्वीकार गर्नुपर्ने त्यो संघीयता
आज देश चलाउन विदेशी ऋण किन?

संविधानसभाले निर्देश गरेको संविधान
विश्वकै उत्कृष्ट माने तापनि यहाँ
पञ्चायती अवशेष अझै बाँकी किन?

बहुसंख्यक मजदुर किसानले चाहेको व्यवस्था
विदेशीको प्रयोगशाला बनाउन हात पसार्दा
आफ्नै पाैरखमा रम्ने देशभक्त नागरिकले सहँदैन

एकपटकको नियुक्तिमा आजीवन सेवा सुविधा
के संघीयता सहितको गणतन्त्रमा नि हुन्छ ?
समयानुकूल नहुँदा युवाहरू विहीन बन्दैछ मेरो देश

सत्यराम कासिछ्व