आकाशमा छुन लाग्यो महँगी
अब आउन लाग्यो आर्थिकमन्दी
सारा क्षेत्रमा ढाक्यो परनिर्भरता
के यही उपलब्धि हो ?
मेरो दृष्टिमा मार्क्स
समानतावादी हो
हरेक पाइलामा तिमी
तिमी नै अग्रगमन ।
तिम्रो प्रिय यो कस्तो
पदलोलुपले भयो भागबन्डा
तिमीले बनायौ किन भ्रष्टाचारी
किन यस्तो राजनीति बेथिति ?
फलामलाई जति ततायो
त्यति नै बलियो हुन्छ
बेथिति जति चुलियो
प्रतिक्रिया त्यति नै बढ्छ ।
सुन जति पोल्यो
त्यति नै शुद्ध हुन्छ
जनतालाई जति दमन गर्यो
त्यति नै सङ्घर्षशील बन्छ ।
हीरामा जति धार लगायो
त्यति नै चम्किलो हुन्छ
सङ्घर्षमा जति विचारले सुसज्जित गर्यो
त्यति नै क्रान्ति मजबुत बन्छ ।
माटोको भाँडो जति पाक्यो
त्यसमा त्यत्ति नै आवाज आउँछ
क्रान्तिमा जति जनताको दुःखकष्ट गाउँछ,
त्यसमा त्यतिकै कर्णप्रिय सङ्गीत भर्छ ।
सूर्यजस्तै बन्न
त्यत्ति नै जल्नु पर्छ
क्रान्तिकारी बन्न
तरबारको धारमा हिँड्नुपर्छ
नदीजस्तै सुस्ताउन
हिमालबाट बग्नु पर्छ
क्रान्ति सफल पार्न
जनता जाग्नुपर्छ ।
हामी क्रान्तिकारी हो भने
किन सरल बाटो खोज्छौँ
कम्युनिस्ट बन्नेहरू
यमराजको धोका धक्धक्याउँछन् ।
निरन्तर लाग्नु सङ्घर्षमा
एकदिन सफल हुन्छ
सयौँ वर्ष लड्यौँ
अब सयौँ वर्ष लड्न तयार हुनुपर्छ ।
हरेक समस्याको समाधान हुन्छ
त्यो आज नभए पनि भोलि हुन्छ
क्रान्ति एक दिन सफल हुन्छ,
त्यो एक जुगमा एकचोटि आउँछ ।
