चैत २८, भक्तपुर । भक्तपुर नगरपालिकाको आयोजनामा भक्तपुरको प्रसिद्ध बिस्का जात्राको अवसरमा खलाँदेखि योसिङ्ख्य क्षेत्रमा बुधबार सरसफाइ कार्यक्रम सम्पन्न भयो ।
कार्यक्रममा बोल्नुहुदै भक्तपुर नगरपालिकाका प्रमुख सुनिल प्रजापतिले भक्तपुरको बिस्का जात्रा प्रतिस्थाको जात्रा रहेकोले हाम्रो जात्रालाई सभ्य र भब्य रुपमा मनाउनुपर्ने बताउनुभयो । साथै भक्तपुरलाई संसारले नजिकैबाट नियालिरहेको अवस्था भएकोले भक्तपुरको टोल टोलमा हुने जात्रा संचालनमा स्थानीयहरुको भुमिका महत्वपूर्ण हुने बताउनुभयो ।
त्यस्तै वडा न ९ का वडा अध्यक्ष रबिन्द्र ज्याख्वले भक्तपुरको प्रसिद्ध बिस्का जात्रामा आन्तरिक बाह्य पर्यटकहरु आउने गरेको गरेकोले आ आफ्नो क्षेत्रबाट सरसफाइ गर्नुपर्ने कुरामा जोड दिनुभयो । जात्रा सबैको साझा हुने भएकोले भनपाले बिस्का जात्रा संचालनका लागि सरोकारवालाहरु सङ्ग विभिन्न चरणमा समन्वय गरिदै आएको पनि बताउनुभयो ।
सरसफाइ कार्यक्रममा भक्तपुर नगरपालिकाका जनप्रतिनिधिहरु, कर्मचारीहरु र स्थानीय वडाबासीहरुको उपस्थिति रहेको थियो ।
