पेट्रोलको मूल्य फेरि वृद्धि, डिजेल-मट्टितेल सस्तो

काठमाडौं, फागुन ३ । नेपाल आयल निगमले पेट्रोल प्रति लिटर १ रुपैयाँले बढाएको र डिजेल ४ रुपैयाँले घटाएको छ।
नेपाल आयल निगमले पेट्रोल प्रतिलिटर १ रुपैयाँ बढाएर १६८ रुपैयाँ (काठमाडौँ, पोखरा, दिपायल) पुर्‍याएको छ। डिजेल र मट्टितेलमा प्रतिलिटर ४ रुपैयाँ घटाइएको छ, जसअनुसार काठमाडौँ, पोखरामा यसको नयाँ मूल्य १५६ रुपैयाँ कायम भएको छ। नयाँ दर शनिबार राति १२ बजेपछि लागू हुने निगमले जनाएको छ ।