भक्तपुरको न:पुखुमा आज साईकलको महाकुम्भ यात्रा हुने, मौलिक उत्पादनहरु पनि प्रदर्शन हुने

भक्तपुर, श्रावण ५ । भक्तपुरको नपुखुमा साइकल कनेक्टको आयोजनामा हुने २५ किमि,५० किमि,७५ किमी तथा १०० किमी साईकल यात्रा न:पुखु परिसरबाट बिहान ६ बजे शुरू हुने भएको छ ।
साईकल यात्रामा भक्तपुर अलावा उपत्यका तथा अन्य जिल्लाका गरि करिब ११०० भन्दा बढी सहभागी हुने आयोजक समितिले जनाएको छ । यात्रामा सहभागी हुने युवा जमातलाई लक्षित गरी भक्तपुरमा उत्पादन हुने मौलिक बस्तु तथा सेवाहरू बारे जानकारी गराउने उद्येश्यले एकदिने गो लोकल(रैथाने उत्पादन)मेला भक्तपुर घरेलु तथा साना उद्योग सघ तथा भक्तपुर पर्यटन बिकास समितिको प्रवध्दनमा आयोजना गरिएको समेत जनाइएको छ । मेलामा जु जु धौ,भादगाउले टोपी,ताईचिन बजि,घरबुना कपडा,काष्ठकला,धातुकला,अचारका परिकार,बेटबाँसका सामाग्रीहरू,मुकुण्डो,अमिलो,आलुचिप्स,मखमलि जुता,कपडाका झोला,झोल साबुन,जस्ता सामाग्रीको साथै दुवा फल्चा महिला समुहको तर्फबाट नेवारी परिकार तथा मसरूम सिड नेपालको तर्फबाट च्याउका परिकार रहने बताइएको छ । नपुखुमा बिहान १० बजेदेखी बेलुका ६ बजेसम्म मेला अवलोकन गर्न सकिने समेत बताइएको छ ।