भक्तपुर, जेठ २ । भक्तपुर नगरपालिका वडा न ९ स्थित प्रगति पुस्तकालयको आयोजनामा ३ महिने चित्रकला तालिम सुरु भयो ।
कार्यक्रममा प्रमुख अतिथि भक्तपुर नगरपालिका वडा न ९ का वडा अध्यक्ष रविन्द्र ज्याख्वले विद्यार्थीहरुले अनुशासनमा बस्नुपर्ने जोड दिनुपर्ने बताउनुहुदै अभिभावकहरुले भनेको कुरा मान्ने र इमान्दार बन्नुपर्ने बताउनुभयो ।
साथै उहाँले चित्रकला हरेक विषयमा प्रयोग हुने बताउनुहुदै चित्रकलाले हस्तलेखनमा समेत उल्लेख्य सुधार हुने बताउनुभयो ।
कार्यक्रममा पुस्तकालयका अध्यक्ष रविन्द्र प्रसाद कुसीले प्रगति पुस्तकालयले गरिदै आएको विविध गतिविधि बारे जानकारी दिनुभयो ।
साथै, प्रशिक्षक विकास तमखुले चित्रकलाबारे जानकारी दिनुहुदै कक्षामा नियमित रुपमा आउनुपर्ने र समयको परिपालना गर्नुपर्ने बताउनुभयो ।
तालिममा बागीश्वरी मावी, महेन्द्र विद्याश्रम, माउन्ट भ्याली, बाल बिकास स्कुल, ख्वप्रीङ, जेन्युन, ह्वाइट रोज, लिटिल वर्ल्डका गरी जम्मा २३ जना विद्यार्थीहरुको सहभागिता रहेको थियो ।
