चैत १६, भक्तपुर ।सँस्कृति संरक्षण तथा पर्यटन प्रवर्द्धन भन्ने नाराका साथ भक्तपुरमा यहि चैत्र १६ गतेबाट भक्तपुरको नः पुखुमा घरेलु उत्पादन मेला – २०८० सुरु भएको छ ।
भक्तपुर नगरपालिका वडा न २ स्थित नः पुखु परिसरमा सुरु भैरहेको मेलामा भक्तपुरका मौलिक उत्पादनहरू जु जु धौ, भादगाँउले टोपी, हाकुपटासी, घरबुना कपडा बुनाई, माटाका भाडाहरू, काष्ठकला प्रदर्शनीका लागि राखिएका छन् ।
त्यस्तै नर्सरीमा विभिन्न जातका फलफुल तथा फुलका विरुवाहरु पनि बिक्रिका लागि राखिएका छन् ।
परम्परागत तान बुनाई र ताईचिन बजि बनाउने बिधिको जिवन्त प्रदर्शनी समेत दर्शकले हेर्न सकिन्छ ।
मेलामा अवधीभर भक्तपुरका मौलिक नेवारी खानाका परिकारहरू समेत रहने बताइएको छ भने च्याउला परिकारले बनेका खाद्य स्थल पनि बन्दोबस्त गरिएको छ ।
संस्कृति संरक्षण तथा पर्यटन प्रवद्र्धनका लागि घरेलु उत्पादन मेला २०८० उद्योग तथा वाणिज्य कार्यालयको सहकार्य तथा भक्तपुर पर्यटन विकास समितिको संयोजनमा भएको हो । मेला चैत्र १७ गते पनि बिहान १० बजेदेखि साँझ ६ बजेसम्म नःपुखु परिसरमा गरिने र प्रवेश शुल्क निःशुल्क गरिएको आयोजकले जनाएको छ ।
