मध्यपुर थिमीको नयाँ ठिमी सडक खण्डमा टिपरले ठक्कर दिंदा घाइेट भएका मोटरसाइकल चालकको उपचारकोक्रममा मृत्यु भएको छ । महानगरीय प्रहरी परिसर भक्तपुरका अनुसार मध्यपुर थिमी नगरपालिका वडा नं. ४ नयाँ ठिमी स्थित सडक खण्डमा आज दिउँसो १ः२०को समयमा काठमाण्डौबाट भक्तपुर तर्फ आउँदै गरेको गण्डकी प्रदेश ७ प. ५३५३ नं.को मोटरसाईकललाई सोही दिशातर्फबाट आँउदै गरेको बाग्मती प्रदेश ४ ख २९०१ नं.को टिपरले पछाडीबाट ठक्कर दिदा मोटरसाईकल चालक सुवाष तामाङ घाईते भएका थिए । गम्भिर घाइते तामाङलाई तत्कालै उपचारको लागि मध्यपुर अस्पताल थिमी लगिएकोमा उपचारकैक्रममा आज १ः४५मा मृत्यु भएको थियो । प्रहरीका अनुसार लासको पोष्टमार्टमको लागि काठमाण्डौ मेडिकल कलेज दुवाकोट लगिएको छ । २१ वर्षका मृतक तामाङ काभ्रेपलाञ्चक जिल्ला मण्डनदेउपुर वडा नं. १ घर भई हाल कलमविनायक भक्तपुर बस्दै आएका थिए । मोटरसाईकल पछाडि बस्ने २० वर्षका संजिव थापा मगरको भने मध्यपुर अस्पताल ठिमीमा उपचार भइरहेको प्रहरीका सूचना अधिकारी टेकेन्द्र शर्मा पौडेलद्वारा जारी विज्ञप्तिमा भनिएको छ । टिपर चालक काभ्रेपलान्चोक मण्डनदेउपुर गापा वडा नं ६बस्ने वर्ष २८का राजकुमार राईलाई थप अनुसन्धान कार्यका लागि प्रहरीको नियन्त्रणमा रहेको सूचना अधिकारी पौड्यलले जनाएको छ ।
